Nagulat at nabigla ang samabayanang Pilipinas sa biglaang pagkamatay ng pangalawang anak ni dating Pangulong FVR (Fidel V. Ramos) na si Josephine “Jo Martinez Ramos sa sakit na Lung Cancer noong lunes, Hunyo 27, sa ganap na ala-una ng madaling-araw sa The Medical City sa lungsod ng Pasig.. Ayon sa balita, inilihim diumano ni Jo ang kanyang tunay na karamdaman sa kanyang pamilya kaya huli na ang lahat at humantong sa kanyang kamatayan. Inakala ni FVR na isang simpleng asthma lang ang sakit ng anak, dumaan pa diumano sa isang maselang operasyon ngunit hindi ito naging matagumpay.
Ipinanganak si Jo noong Enero 18, 1957, pangalawa sa limang anak nina dating Pangulong FVR at Ming Ramos. Musika at Isports ang kanyang nakahiligan, nag-aral siya sa U.P. College of Fine Arts at sumali sa iba’t ibang workshops sa sayaw at musika sa Estados Unidos. Dati siyang back-up singer ni Gary V. at Mon Faustino, nakapagtangghal na rin siya sa iba’t ibang lugar dito at sa ibang bansa. Miyembro siya ng RP Ladies National Water Skiing Team na nagkamit ng mga medalya at karangalan para sa ating bansa noong dekada ’70.
Ikinasal si Jo sa aktor na si Lloyd Samartino noong 1993 at nagtagal lamang ng isang taon ang kanilang pagsasama at biniyayaan sila ng isang anak na lalaki na disisyete anyos na ngayon. Nagmana sa kanyang ina, mahilig din sa musika at isports ang binatilyo na nasa huling taon na sa high school.
Unang nagpaabot ng kanyang pakikiramay ay ang ating Pangulong PNoy na lubos na nanghihinayang sa kung ano pa mga magagawa ni Jo para sa ikauunlad ng ating sining at kultura.
“Ms. Ramos’ love for, and accomplishments, in music, was testimony to the mus“ical passion she shared with her mother; and in athletics, she participated in the national team that gained distinction for the country in the SEA Games in the 1970s,” pahayag ni Pangulong Noynoy Aquino.
"The loss of any loved one is grave, indeed; the demise of a child is particularly painful for parents. The President assures former President and Mrs. Ramos that he will keep their entire family in his thoughts and prayers at this time of deep loss," dugtong pa ng ating Pangulo.
Marami sa mga naunang bumisita ay sina Rep. Golez, Rep. Sonny Belmonte na ninong nila sa kasal, mga iba pang pulitiko at kamag-anak.
Bunsod sa kaganapang ito, muli ang publiko ay pina-aalalahanan sa paninigarilyo. May mga mambabatas na gustong buksan ang batas na sumasailalim dito para maiwasan ang mga sakit na dulot nito tulad ng Lung cancer, trachea or bronchitis, asthma, pagka-baog o sterility at iba pang karamdaman na makukuha sa paninigarilyo. Dapat din paigtingin ang batas na nagbabawal na manigarilyo sa mga publikong lugar kung saan maraming mamamayan ang nakakasagap ng usok nito at pinaniniwalaan pang mas masama ang epekto nito sa mga taong hindi naman naninigarilyo subalit nakakalanghap ng tinatawag nating “second-hand smoke”.
“A cigarette is the only consumer product which when used as directed kills its consumer,” ang buhay natin ay iisa lang, matuto tayong pahalagahan ito at umiwas sa mga bagay na makakasama sa ating katawan. Bago pa mahuli ang lahat, magbago na tayo.
No comments:
Post a Comment